ज्ञानराज पथसंस्थेकडून १२ टक्के लाभांश

आळेफाटा, ता. २७ : आळे (ता. जुन्नर) येथील ज्ञानराज ग्रामीण बिगरशेती सहकारी पतसंस्थेच्या वतीने सभासदांना १२ टक्के लाभांश देण्याचा निर्णय घेण्यात आला.
ज्ञानराज पतसंस्थेची ३७वी वार्षिक सर्वसाधारण सभा संस्थेचे अध्यक्ष दिलीप वाव्हळ यांच्या अध्यक्षतेखाली खेळीमेळीच्या वातावरणात पार पडली. या प्रसंगी संस्थेचे संस्थापक रामदास वाव्हळ, माजी अध्यक्ष नेताजी डोके, संस्थेचे माजी अध्यक्ष व बाजार समितीचे उपसभापती प्रीतम काळे, संस्थेचे उपाध्यक्ष समीर टकले, सचिव जावेद मोमीन, सहसचिव गणेश शिंदे, खजिनदार राजेंद्र वनारसे, संतोष राहिंज, विठ्ठल जाधव, समीर आतार, अमित राहिंज, इम्रान मणियार, सचिन लाड, सुरेश वाव्हळ, सुप्रिया शिरतर, सुनिता भालेराव, व्यवस्थापक लक्ष्मण औटी आदी उपस्थित होते.
याप्रसंगी संस्थेच्या वतीने सभासदांना १२ टक्के लाभांश व दीपावली भेट वस्तु देण्यात येणार असून, संस्थेच्या ठेवी २९ कोटी आहेत, तर गुंतवणूक १३ कोटी ६० लाख व खेळते भागभांडवल ३८ कोटी आहेत व नफा ३० लाख रुपयांचा झाला आहे आणि संस्थेचा ऑडिट वर्ग ‘अ’ आहे. संस्थेमध्ये वीज बिल स्वीकृती केंद्र, सोनेतारण कर्ज सुविधा, सभासदांचा अपघात विमा १ लाख रुपयांचा आहे. या कार्यक्रमाचे सूत्रसंचालन प्रशांत सोनवणे यांनी केले, तर प्रास्ताविक संस्थेचे अध्यक्ष सुधीर वाव्हळ यांनी केले.