बी.जे.महाविद्यालयाच्या विद्यार्थिनी राज्यस्तरीय स्पर्धेत सहभागी

आळेफाटा, ता. ४ : खेड तालुका शिक्षण प्रसारक मंडळाचे हुतात्मा राजगुरू महाविद्यालय यांच्या वतीने हुतात्मा शिवराम हरी राजगुरू राज्यस्तरीय आंतरमहाविद्यालयीन वक्तृत्व स्पर्धा आयोजित केल्या होत्या. बी.जे. महाविद्यालयातील विद्यार्थिनी स्पर्धक वैदही वाईकर (एफ. वाय. बीसीएस) व गौरी हाडवळे (एफ. वाय. बीसीए) यांनी या स्पर्धेत महाविद्यालयाच्या वतीने प्रतिनिधित्व केले.
तसेच सहभागी विद्यार्थिनींनी अनुक्रमे ‘वाचताना वेचलेले’ व ‘निसर्गाने द्यावे, मानवाने घ्यावे’ या विषयांवर आधारित वक्तृत्व सादर केले. विद्यार्थिनींच्या सहभागाबद्दल आयोजकांनी प्राचार्य डॉ. प्रवीण जाधव व मार्गदर्शक प्रा. नूतन जोशी यांचे आभार मानत महाविद्यालयाच्या पुढील वाटचालीस शुभेच्छा दिल्या. आयोजकांकडून सहभागी विद्यार्थिनींना सहभागाबद्दल व आपल्या वक्तृत्वाचे उत्कृष्ट सादरीकरण केल्याबद्दल सहभाग प्रमाणपत्र देऊन गौरवण्यात आले. या दोन्ही विद्यार्थिनींचे ज्ञानेश्वर ग्रामोन्नती मंडळाचे अध्यक्ष अजय कुऱ्हाडे, बाळासाहेब जाधव, उपाध्यक्ष सौरभ डोके, मानद सचिव डॉ. अर्जुन पाडेकर, खजिनदार अरुण हुलवळे, किशोर कुऱ्हाडे, भाऊ कुऱ्हाडे, बबन सहाणे, उल्हास सहाणे, बाबू कुऱ्हाडे, शिवाजी गुंजाळ, जीवन शिंदे, दिनेश सहाणे, कैलास शेळके, प्रदिप गुंजाळ, देविदास पाडेकर, सम्राट कुऱ्हाडे, रमेश कुऱ्हाडे, शांताराम कुऱ्हाडे आदींनी अभिनंदन केले.