गाईंच्या बाजारामध्ये ३५ लाखांची उलाढाल

आळेफाटा, ता.४ : जुन्नर कृषी उत्पन्न बाजार समितीच्या आळेफाटा येथील गाईंच्या बाजारात गुरुवारी (ता.४) १५७ गाईंची विक्री झाली. यातून ३५ लाख रुपयांची उलाढाल झाली, अशी माहिती बाजार समितीतर्फे देण्यात आली.
आळेफाटा येथील बाजार समितीत भरत असलेला बाजार हा पुणे जिल्ह्यातील सर्वात मोठा बाजार आहे. येथे पुणे, नाशिक, संगमनेर, अहिल्यानगर, शिरूर, आंबेगाव, ठाणे तसेच इतर ठिकाणांहून दुधाळ जातीच्या गाया विक्रीसाठी येत असतात. या आठवड्यात भरलेल्या बाजारात २३३ संकरित गायांची आवक विक्रीसाठी आल्या होत्या. यामध्ये पाच हजारांपासून ४३ हजार ५०० रुपये किमतीच्या गाई विकल्या गेल्या.
दरम्यान, गेल्या पंधरा दिवसांपूर्वी दुधाला एका लिटर मागे एक रुपया वाढल्याने गाईंच्या किंमतीत वाढ झाली असल्याची माहिती ज्ञानेश्वर कुऱ्हाडे, तान्हाजी कुऱ्हाडे, अमोल कुऱ्हाडे, संतोष कुऱ्हाडे, रोहिदास निमसे, किरण कुऱ्हाडे, सुमीत वर्पे, दिलीप शरमाळे, याकूब सौदागर, चाँद शेख, अकबर शेख, नन्हुभाई शेख, रफिक शेख, अश्पाक शेख, रूपेश कुऱ्हाडे, शानू बेपारी, हबीबुल सौदागर या व्यापाऱ्यांनी सांगितले.