आळेफाटा येथे कांदा १७१ रुपये १० किलो

आळेफाटा, ता.८ : आळेफाटा येथील उपबाजारात मंगळवारी (ता.७) २१ हजार ९८७ कांदा पिशव्यांची विक्रमी आवक झाली. बाजारात दहा किलो कांद्यास १७१ रुपये बाजारभाव मिळाला. आळेफाटा येथील उपबाजारात एक नंबर कांद्यास दहा किलोला १७१ रुपये बाजारभाव मिळाला असल्याची माहिती सभापती संजय काळे उपसभापती प्रीतम काळे, सचिव रूपेश कवडे, व्यवस्थापक दीपक म्हस्करे यांनी दिली.
जुन्नर कृषी उत्पन्न बाजार समितीच्या आळेफाटा या ठिकाणी झालेल्या मोढयांत एक नंबर सुपर गोळा कांद्यास दहा किलोस १५० ते १७१ रुपये बाजार भाव मिळाला तसेच एक नंबर कांद्यास १३० ते १५० बाजारभाव मिळाला‌‌ .दोन नंबर कांद्यास १२० ते १३० रुपये बाजारभाव मिळाला तर तीन नंबर कांद्यास दहा किलोस ९० ते ११० रुपये बाजारभाव मिळाला तर बदला, चिंगळी कांद्यास दहा किलोस १० ते ६० रुपये बाजारभाव मिळाला.