राजुरीत गुरुवारपासून हरिनाम सप्ताह

आळेफाटा, ता. ३ : राजुरी येथील आवटेवाडी या ठिकाणी काळभैरवनाथांच्या जयंतीनिमित्त गुरुवार (ता. ६) पासून अखंड हरिनाम सप्ताहाचे आयोजन करण्यात आले असल्याची माहिती खंडेराया भैरवनाथ देवस्थानचे अध्यक्ष बाळासाहेब औटी यांनी दिली
तुळशीराम महाराज सरकटे, सुदाम महाराज बनकर यांच्या प्रेरणेने राजुरी (ता. जुन्नर) येथील आवटे वाडीतील काळभैरवनाथ जयंतीनिमित्त अखंड हरिनाम सप्ताह तथा ग्रंथराज ज्ञानेश्‍वरी पारायण सोहळा गुरुवार (ता. ६) पासून आयोजीत केला आहे. ह्या सोहळ्यानिमित्त विविध कार्यक्रमांचे आयोजन करण्यात आले आहे.
यामध्ये दैनंदिन कार्यक्रमात काकडा भजन, ग्रंथराज ज्ञानेश्‍वरी पारायण, नेमाचे भजन, हरिपाठ, दररोज सायंकाळी सात ते रात्री नऊ यावेळेत विशाल महाराज हाडवळे (राजुरी), दीपक महाराज भाईटे(फलटण), ज्ञानेश्‍वर महाराज काकडे (धाराशीव), एकनाथ महाराज शास्त्री (कान्हूर पठार), मयूर महाराज बोडके (देहू) देवेंद्र महाराज निढाळकर (हवेली), भागवत महाराज साळुंखे (आळंदी), सुनील महाराज झांबरे (बीड) यांची कीर्तनसेवा होणार आहे. दररोज कीर्तनानंतर महाप्रसाद होणार आहे.
बुधवारी (ता. १२) सकाळी राजुरी गावातून दिंडी सोहळा काढण्यात येणार आहे. सायंकाळी होमहवन होणार आहे. तरी परिसरातील सर्व भाविकांनी याचा लाभ घ्यावा असे आवाहन भैरवनाथ देवस्थान मंडळ आवटेवाडी यांनी केले आहे.