आळेफाटा, ता. ४ ः राजुरी हे गाव बिबटप्रवण क्षेत्रात मोडत असून बिबट्यांचे हल्ले दिवसेंदिवस वाढतच आहेत. त्यामुळे वनविभागाने परिसरातील पिंजऱ्यांची संख्या वाढवावी अशी एकमुखी मागणी ग्रामसभेत करण्यात आली. राजुरी (ता. जुन्नर) येथील श्री हनुमान देवस्थान ट्रस्टच्या व्यासपीठावर ग्रामपंचायतीची ग्रामसभा खेळीमेळीत पार पडली. सरपंच प्रिया हाडवळे यांच्या अध्यक्षतेखाली ही सभा झाली. यावेळी ग्रामविकास अधिकारी बाळसराफ यांनी मागील सभेचा वृत्तांत वाचून २०२४-२५ च्या करवसुलीचा आढावा घेतला. तसेच, मागील सहा महिन्यांतील जन्म-मृत्यू व विवाह नोंदींना मान्यता, माझी वसुंधरा अभियानांतर्गत कामे, सिंगल युज प्लॅस्टिक बंदीची अंमलबजावणी, घनकचरा व सांडपाणी व्यवस्थापन प्रकल्प यांबाबत माहिती देण्यात आली. या प्रसंगी माजी सभापती दिपक औटी, उपसरपंच माऊली शेळके, एम. डी. घंगाळे, एकनाथ शिंदे, ग्राहक पंचायतीचे बाळासाहेब औटी, मुरली औटी, चंद्रकांत जाधव, शाकीर चौगुले, रंगनाथ औटी, सखाराम गाडेकर, शितल हाडवळे, ग्रामविकास अधिकारी संदिप ढोरे आदी पदाधिकाऱ्यांसमवेत ग्रामस्थ उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.