आळेफाटा परिसरात श्री दत्त जयंती सोहळा मोठ्या उत्साहात साजरा

आळेफाटा, ता. ४ : आळेफाटा (ता. जुन्नर) परिसरातील आळे, वडगाव आनंद, राजुरी, जाधववाडी, बोरी खुर्द, वडगाव कांदळी, कोळवाडी, संतवाडी, उंचखडक या ठिकाणी श्री दत्त जयंती सोहळ्याच्या निमित्ताने विविध कार्यक्रम झाले. ठिकठिकाणी कीर्तन, प्रवचन तसेच सांस्कृतिक कार्यक्रम झाले.
दरम्यान, बोरी बुद्रुक या ठिकाणी गुरुदेव दत्त जयंती सोहळा आणि संत तुकाराम महाराज श्री शतकोत्तर अमृतमहोत्सवी वैकुंठ गमन सोहळ्याच्या निमित्ताने तुकाराम महाराज पादुका गाथा, संत ज्ञानेश्‍वर महाराज, दत्तगुरूंच्या पादुका, प्रतिमेची गावामधून मिरवणूक काढण्यात आली होती. त्यानंतर तुकाराम महाराजांच्या चरित्र कथा आणि मोफत आरोग्य तपासणी शिबिर घेण्यात आले.