आळेफाटा बाजारात ४४१ गायींची विक्री

आळेफाटा, ता. २६ ः आळेफाटा येथील कृषी उत्पन्न बाजार समितीत गुरुवारी (ता. २५) झालेल्या गाय बाजारात ४४१ गाईंची विक्री झाली. यातून ८० लाख रूपयांची उलाढाल झाल्याची माहिती बाजार समितीचे सभापती संजय काळे, माजी उपसभापती प्रितम काळे, सचिव रूपेश कवडे व कार्यालय प्रमुख दिपक म्हस्करे यांनी दिली. या बाजारात पुणे, नाशिक, ठाणे, अहिल्यानगर, संगमनेर, शिरूर, आंबेगाव या ठिकाणांहून संकरीत गाई विक्रीसाठी येत असतात. या आठवडयात भरलेल्या बाजारात गाईंच्या किमतीत वाढ झालेली असून यामध्ये ५ ते ७० हजार रुपये किमतीपर्यंत गाई विकल्या गेल्याची माहिती ज्ञानेश्वर कुऱ्हाडे, तान्हाजी कुऱ्हाडे, सुमित वर्पे, दिलीप शरमाळे, याकुब सोदागर, चॉंद शेख, उस्मान शेख, शानु बेपारी यांनी दिली.