जुन्नरच्या पूर्व भागात मल्चिंग पेपरचा वापर

आळेफाटा, ता.२३ : जुन्नर तालुक्याच्या पूर्व भागात शेतकरी पिकांना पाणी देताना मल्चिंग पेपर व ठिबक सिंचनाचा वापर करीत आहेत.
तालुक्यातील राजुरी, वडगाव आनंद, आळे, आळेफाटा, लवणवाडी, बोरी बुद्रूक, कोळवाडी, साळवाडी, जाधववाडी, वडगाव कांदळी, संतवाडी आदी गावामध्ये प्रगतशील शेतकरी आहेत. सध्या उन्हामुळे दिवसेंदिवस पावसाचे प्रमाण कमी होत आहे. यावर उपाय म्हणून शेतकरी कमी पाण्यामध्ये पिके कशी घेता येतील, यासाठी प्रयत्नशील आहेत.
शेतकऱ्यांचा मिरची, टोमॅटो, वांगी, काकडी आदी पिकांसाठी मल्चिंग पेपरच्या वापराकडे कल वाढला आहे. यामुळे पाण्याचीही बचत होऊन पिकाला योग्य प्रमाणात पाणी मिळतआहे, असे काही शेतकऱ्यांनी सांगितले.

07801