हार्वेस्टरने गहू पिकाची आळेफाटा येथे काढणी

आळेफाटा, ता.२८ : जुन्नर तालुक्याच्या पूर्व भागातील आळेफाटा परिसरात गहू काढणीच्या कामाला वेग आला आहे. सध्या शेतकरी हार्वेस्टर यंत्राद्वारे गहू कापताना दिसत आहे. पैसा आणि वेळेची बचत होत असल्याने शेतकरी हार्वेस्टरला प्राधान्य देत आहेत.

जुन्नर तालुक्याच्या पूर्व भागामधील आळेफाटा, राजुरी, आळे, वडगाव आंनद, गुंजाळवाडी, उंचखडक, बोरी बूद्रूक, जाधववाडी, साळवाडी आदी गावांत सध्या गहू काढणीला वेग आला आहे. जवळपास सर्वच शेतकरी हार्वेस्टरने गहू करताना दिसत आहेत. गहू कापायला मजूर मिळत नाहीत. मजुरीचे दरही वाढले आहेत. मजुरांना एक एकरसाठी सुमारे पाच ते सहा हजार रुपये खर्च येतो तर हार्वेस्टर यंत्राला सुमारे चार हजार रुपये खर्च येतो. त्यातच हवामान खात्याने या आठवड्यात पाऊस पडणार असल्याचा अंदाज व्यक्त केला आहे. त्यामुळे शेतकऱ्यांकडून गहू कापणीची कामे उरकून घेण्याचा कल वाढला आहे.

07822