बेल्हे येथे भगवान महावीर जयंतीनिमित्त मिरवणुक

बेल्हे, ता. २१ : बेल्हे (ता. जुन्नर) येथे (ता. २०) जैन श्रावक संघाच्यावतीने भगवान महावीर स्वामी यांच्या जयंतीनिमित्त, भगवान महावीर यांच्या प्रतिमेची गावातून उत्साहपूर्ण वातावरणात सवाद्य मिरवणूक काढण्यात आली. यावेळी मोठ्या संख्येने जैन बांधव व महिला सहभागी झाल्या होत्या.

बेल्हे येथे महावीर भवन येथून या मिरवणुकीस प्रारंभ झाला. यावेळी परिसरातील जैन बांधवांसह सर्वधर्मीय नागरिक सहभागी झाले. ठिकठिकाणी स्थानिक नागरिक व विविध संस्थांच्यावतीने मिरवणुकीचे स्वागत केले. दरम्यान, जैन समाजाच्यावतीने नव्याने बांधण्यात आलेल्या या मंदिरात स्नात्र पूजा करण्यात आली. या कार्यक्रमात महिला वर्ग व युवकांचा उत्स्फूर्त सहभाग होता. मंत्रोच्चार पठण, स्तवन व मांगलिक कार्यक्रमानंतर मिरवणुकीची सांगता झाली.