बेल्हे येथील सपनाची झाली महसूल सहाय्यक अधिकारी

बेल्हे, ता. १५ : बेल्हे (ता. जुन्नर) येथील सपना शशिकांत वाघ हिची नुकतीच महाराष्ट्र लोकसेवा आयोगामार्फत घेण्यात आलेल्या परीक्षेतून महसूल सहाय्यक अधिकारीपदी निवड झाली आहे.
सपना ही बेल्हे येथील हॉटेल व्यावसायिक शशिकांत वाघ यांची कन्या आहे. महाराष्ट्र लोकसेवा आयोगामार्फत (एमपीएससी) एप्रिल २०२३ मध्ये झालेल्या परीक्षेचा निकाल शुक्रवारी (ता. ११) जाहीर झाला आहे. येत्या दोन महिन्यांत नियुक्ती आदेश आल्यानंतर सपना कामावर रुजू होईल. दरम्यान, याअगोदर बृहन्मुंबई महानगरपालिका (बीएमसी) मार्फत घेण्यात आलेल्या परीक्षेतही ही तिने यश संपादन केले होते. या दोन्ही परीक्षांमध्ये ती प्रथम प्रयत्नातच उत्तीर्ण झाली.
सपना ही सर्वसामान्य कुटुंबातील मुलगी असून, तिचे वडील शेती व हॉटेल व्यवसाय करतात. तिचे माध्यमिक शिक्षण श्री बेल्हेश्‍वर विद्यालयात झाले असून नाशिकच्या के.के. वाघ कृषी महाविद्यालयातून तिने कृषी क्षेत्रातील पदवी संपादन केली आहे. या यशासाठी बेल्हे व परिसरातील ग्रामस्थांकडून तिचे कौतुक केले जात आहे.