समर्थ पॉलिटेक्निकच्या निकालाची परंपरा कायम

बेल्हे, ता. १६ : बेल्हे (ता. जुन्नर) येथील  समर्थ पॉलिटेक्निकने उत्कृष्ट निकालाची परंपरा कायम राखली असून, या तंत्रनिकेतन महाविद्यालयाचा तृतीय वर्षाचा अंतिम परीक्षेचा निकाल ९७ टक्के लागल्याची माहिती प्राचार्य अनिल कपिले यांनी दिली. महाराष्ट्र राज्य तंत्रशिक्षण मंडळाकडून घेतलेल्या उन्हाळी परीक्षा २०२५चे निकाल नुकतेच जाहीर झाले.
त्यात प्रांजल घाडगे ९६.८६ टक्के गुण मिळवून प्रथम आली असून, १५० विद्यार्थ्यांना ८० टक्क्यांपेक्षा अधिक गुण मिळाल्याची माहिती उपप्राचार्य प्रा. संजय कंधारे यांनी दिली. तसेच १५ हून अधिक विद्यार्थ्यांना गणित, इंजिनिअरिंग ड्रॉइंग, मॅनेजमेंट, पायथॉन प्रोग्रॅमिंग, इमर्जिंग ट्रेंड इन कॉम्प्युटर अँड आयटी, वेब पेज डिझाइन ॲप्लिकेशन यूजिंग पीएचपी, मोबाईल ॲप्लिकेशन डेव्हलपमेंट या विषयांमध्ये ७० पैकी ७० गुण मिळाले.
या विद्यार्थ्यांना टेक्निकल संचालक डॉ. चंद्रशेखर घुले, विभागप्रमुख प्रा. संजय कंधारे, मेकॅनिकल इंजिनिअरिंग विभागप्रमुख प्रा. महेंद्र खटाटे, मेकॅट्रॉनिक्स विभागप्रमुख प्रा. श्याम फुलपगारे, कॉम्प्युटर विभागप्रमुख प्रा. स्वप्नील नवले, सिव्हिल विभागप्रमुख प्रा. संकेत विघे, इलेक्ट्रॉनिक्स अँड टेलिकम्युनिकेशन इंजिनिअरिंग विभाग प्रमुख प्रा. आदिनाथ सातपुते, इलेक्ट्रिकल इंजिनिअरिंग विभागप्रमुख प्रा. आशिष झाडोकर यांनी मार्गदर्शन केले. यशस्वी विद्यार्थी मार्गदर्शक शिक्षकांचे संस्थेचे अध्यक्ष वसंतराव शेळके, उपाध्यक्ष ज्ञानेश्वर शेळके, सचिव विवेक शेळके, विश्वस्त वल्लभ शेळके, कॅम्पस संचालक प्रा. राजीव सावंत  यांनी अभिनंदन केले.