बेल्हे येथे विद्यार्थ्यांकडून आकर्षक वेशभूषा

बेल्हे, ता. २३ : बेल्हे (ता. जुन्नर) येथील इंदिरानगर (बेल्हे) जिल्हा परिषद प्राथमिक शाळेत शिवजयंती उत्साहात साजरी करण्यात आली.
शिवजयंतीनिमित्त विद्यार्थ्यांनी आकर्षक वेशभूषा करत शाही सोहळ्याचे आयोजन केले होते.
यावेळी ग्रामस्थांच्या वतीने विद्यार्थ्यांना खाऊ वाटप करण्यात आले. याप्रसंगी जुन्नर पंचायत समितीचे सदस्य राजेंद्र पिंगट, सरपंच मनीषा डावखर, कैलास आरोटे, संजय बांगर, अल्पेश सोनवणे, रितेश देशमुख, गणेश पिंगट, संदेश पिंगट, शरद खोल्लम, आकील शेख आदी अंगणवाडी सेविका कांता पिंगट व मदतनीस उपस्थित होते.
कार्यक्रम यशस्वी करण्यासाठी शाळा व्यवस्थापन समिती, तसेच इंदिरानगर (बेल्हे) जिल्हा परिषद प्राथमिक शाळेचे मुख्याध्यापक अनिल कुटे व सहशिक्षिका सुरेखा कुटे यांनी विशेष परिश्रम घेतले.

02784