शिरदाळेकरांची १८ दिवसांपासून पाण्यासाठी पायपीट

शिरदाळेकरांची १८ दिवसांपासून पाण्यासाठी पायपीट

पारगाव, ता. १८ : शिरदाळे (ता. आंबेगाव) येथे मागील १८ दिवसांपासून वीज पुरवठ्यात वारंवार बिघाड होत आहे. सार्वजनिक पाणी पुरवठ्याची मोटार बंद पडल्याने १८ दिवसांपासून पाणी पुरवठा ठप्प झाला आहे. उन्हात पायपीट करत डोक्यावरून पाणी वाहून आणावे लागत आहे. त्यामुळे ग्रामस्थ त्रस्त झाले आहेत. पुढील दोन दिवसांत वीजपुरवठा सुरळीत न झाल्यास महावितरणच्या कार्यालयावर मोर्चा काढून आंदोलन केले जाईल, असा इशारा उपसरपंच मयूर सरडे यांनी दिला आहे.

शिरदाळे गावात पिण्याच्या तसेच वापरण्याच्या पाण्याचा तसा जास्त तोटा कधी येत नाही. येथील तळ्यातून पुरवठा केला जातो. पाणीपुरवठा योजनेच्या माध्यमातून प्रत्येकाला घरपोच पाणी मिळते. मात्र वीज रोहित्रावरील बाटला जळाल्याने तो दहा दिवसानंतर बसवण्यात आला. तर ट्रान्सफार्मरच्या दुरवस्थेमुळे केबल जळाली. ज्यावेळी बाटला जळाला होता त्यावेळी देखील तो उशिरा बसवण्यात आला. यामुळे वीजपुरवठा खंडित झाला. त्यामुळे ग्रामस्थ त्रस्त झाले असून भर उन्हाळ्यात हा नाहक त्रास सहन करावा लागत आहे. गावात काही ज्येष्ठ, काही अपंग लोक आहेत त्यांना पाणी वाहने शक्य होत नाही. त्यांची देखील खूप गैरसोय होत आहे. यामुळे लवकरात लवकर वीजपुरवठा सुरळीत करावा, अशी मागणी होत आहे. दरम्यान, महावितरणच्या अधिकाऱ्यांशी संपर्क साधला असता तो होऊ शकला नाही.

ट्रान्सफॉर्मरच्या दुरवस्थेमुळे घटनेची शक्यता
ट्रान्सफॉर्मरची दुरवस्था झाली असून फ्यूज फुटलेले आहे. ट्रान्सफॉर्मर शाळेच्या व गावाच्या लगत असल्यामुळे आणि एखादी दुर्घटना देखील घडण्याची शक्यता नाकारता येत नाही. त्यामुळे ते देखील काम होणे गरजेचे असल्याचे सरपंच वंदना तांबे, माजी सरपंच मनोज तांबे, ग्रामपंचायत सदस्य बिपिन चौधरी, जयश्री तांबे, सुप्रिया तांबे, गणेश तांबे यांनी सांगितले.


02635

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com