लाखणगावात मेंढ्यांची चार कोकरे  ठार

लाखणगावात मेंढ्यांची चार कोकरे ठार

पारगाव, ता. १६ : लाखणगाव (ता. आंबेगाव) येथील शिववस्ती येथे शेतकरी दिलीप रोडे यांच्या शेतामध्ये मेंढपाळ संजय कऱ्हे यांच्या वाड्यावर बिबट्याने
बुधवारी (ता.१५) दुपारी हल्ला केला. मेंढीची चार कोकरे ठार केली. तसेच एक कोकरू जखमी करून बिबट्याने दोन कोकरे घेऊन पळाला आहे.
लाखणगाव, देवगाव, काठापूर बुद्रुक या ठिकाणी दिवसेंदिवस बिबट्याचे पाळीव प्राण्यांवरील हल्ले वाढतच चालले आहेत. कोकरांचा मृत्यू झाल्याने संजय कऱ्हे यांचे पंचवीस ते तीस हजार रुपयांचे नुकसान झाले.
घटनेची माहिती समजताच वनविभागाच्या वनरक्षक साईमाला गीते, अशोक जाधव तसेच पशुवैद्यकीय डॉ. पुरी यांनी घटनास्थळी भेट देऊन मृत कोकरांचा पंचनामा करण्यात आला.
दरम्यान, बिबट्याचे हल्ले वाढत असून ग्रामस्थांमध्ये भीतीचे वातावरण पसरले आहे. दिवसाढवळ्या हा हल्ला झाल्याने शेतात पाणी भरण्यासाठी जाण्यास भीती वाटत आहे. यामुळे वनविभागाने परिसरात पिंजरा लावण्यात यावा, अशी मागणी बाळासाहेब रोडे, दिलीप रोडे, बाळासाहेब आरगडे, संजय रोडे आणि स्थानिक शेतकऱ्यांनी केली आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com