स्वर्गीय दत्तात्रेय वळसे पाटील यांच्या स्मृतिदिनानिमित्त अभिवादन

पारगाव, ता. १३ : पारगाव (ता. आंबेगाव) सहकारमहर्षी माजी आमदार स्वर्गीय दत्तात्रेय गोविंदराव वळसे पाटील यांच्या २७व्या स्मृतिदिनानिमित्त भीमाशंकर सहकारी साखर कारखाना कार्यस्थळावरील स्मारकाला पुष्पहार अर्पण करून अभिवादन करण्यात आले.
भीमाशंकर सहकारी साखर कारखान्याचे उपाध्यक्ष प्रदीप वळसे पाटील यांनी स्मारकाला पुष्पहार अर्पण करून अभिवादन. केले याप्रसंगी संचालक बाबासाहेब खालकर, आनंदराव शिंदे, शांताराम हिंगे, रामचंद्र ढोबळे, मच्छिंद्र गावडे, नितीन वाव्हळ, माउली आस्वारे, रामहरी पोंदे, पोपटराव थिटे, बाळासाहेब घुले, पुष्पलता वामन जाधव, प्रिया संजय बाणखेले, कार्यकारी संचालक चंद्रकांत ढगे, सचिव रामनाथ हिंगे, शेतमाल प्रक्रिया संस्थेचे अध्यक्ष सतीश रोडे, बाजार समितीचे संचालक शिवाजीराव ढोबळे, नीलेश पडवळ, शिक्षण संस्थेचे विशेष कार्यकारी अधिकारी बी. डी. चव्हाण, प्राचार्य डॉ. शत्रुघ्न थोरात, प्राचार्या सोनल कानडे, वसंत जाधव आदी उपस्थित होते.