लोणीतील शाळेत विविध कामांचे भूमिपूजन

पारगाव, ता. १५ : लोणी (ता. आंबेगाव) येथील जिल्हा परिषद प्राथमिक शाळेत पुणे जिल्हा परिषद प्राथमिक मॉडेल स्कूल अंतर्गत विविध कामांचे उद्‍घाटन व भूमिपूजन माजी सहकार मंत्री दिलीप वळसे-पाटील यांच्या हस्ते, तर नवीन वर्ग खोलीचे उद्‍घाटन माजी खासदार शिवाजीराव आढळराव-पाटील यांच्या हस्ते करण्यात आले.
यामध्ये शाळेत अंतर्गत कॉँक्रीट रस्ता, सांस्कृतिक भवन, मैदान समतल करणे व सुशोभीकरण, पालक प्रतीक्षा कक्ष, शाळा संरक्षक भिंत, हॅंड वॉश स्टेशन, सोलर सिस्टीम, रेन वॉटर हार्वेस्टिंग, विज्ञान कक्ष आदी नवीन कामांचे भूमीपूजन झाले. भीमाशंकर सहकारी साखर कारखाना निधीमधून भैरवनाथ विद्याधाम या शाळेला नऊ लाख रुपये किमतीचे बाक देण्यात आले. यावेळी भीमाशंकर सहकारी साखर कारखान्याचे अध्यक्ष बाळासाहेब बेंडे, उपाध्यक्ष प्रदीप वळसे-पाटील, जिल्हा परिषदेचे माजी उपाध्यक्ष विवेक वळसे-पाटील, महाराष्ट्र राज्याचे महसूल विभागाचे सहसचिव डॉ. कैलास गायकवाड, बाजार समितीचे सभापती नीलेश थोरात, माजी पंचायत समिती सदस्य रवींद्र करंजखेले, खरेदी विक्री संघाचे माजी अध्यक्ष अनिल वाळुंज, शरद बँकेचे संचालक अशोक आदक, सरपंच सावळेराम नाईक, माजी सरपंच उद्धवराव लंके, पिंटू पडवळ, माजी विद्यार्थी प्रबोधिनीचे अध्यक्ष उदयराजे वाळुंज, खजिनदार भाऊसाहेब गायकवाड, चंद्रकांत गायकवाड, हेमंत पडवळ, शालेय व्यवस्थापन समिती अध्यक्ष बाळशिराम वाळुंज व ग्रामस्थ उपस्थित होते.