टाव्हरेवाडीमध्ये अखंड हरिनाम सप्ताह

पारगाव, ता. ८ : टाव्हरेवाडी (ता. आंबेगाव) येथे गोकुळाष्टमीनिमित्त शनिवार (ता. ९) ते शनिवार (ता. १६) पर्यंत अखंड हरिनाम सप्ताहाचे आयोजन केल्याची माहिती ग्रामस्थांनी दिली.
हरिनाम सप्ताह कालावधीत दररोज पहाटे काकड आरती, प्रवचन, हरिपाठ, हरीकीर्तन, हरीजागर, महाप्रसाद आयोजित केला आहे. या कालखंडामध्ये, गणेश महाराज घोडेकर (कळंब) रमेश महाराज थोरात (चांडोली) मुकुंद महाराज बोबडे (आळंदी) वैभव महाराज मेंगडे (मेंगडेवाडी) महंत योगी बेलनाथ महाराज (राजेवाडी) संतदास महाराज मनसुख (जुन्नर) यांची कीर्तनरुपी सेवा पार पडणार आहे. त्याचप्रमाणे पोपट महाराज राक्षे (राजगुरुनगर) यांचे देव जन्माचे कीर्तन होईल. शनिवारी (ता. १६) सकाळी ९ वाजता गणेश महाराज शिंदे (जुन्नर) यांचे काल्याचे कीर्तन होणार आहे त्यानंतर महाप्रसादाचे आयोजन करण्यात आले आहे. रात्री ९ वाजता श्रीराम बाबा प्रासादिक भजन मंडळ (थुगाव ) यांचा भजनाचा कार्यक्रम होणार आहे. सप्ताहाची रविवारी (ता. १७) सकाळी ७ वाजता कमला देवीच्या पालखी मिरवणुकीने सांगता होणार आहे. या आनंदमय भक्तीमय सोहळ्यात सहभागी होऊन कार्यक्रमाचा आपण लाभ घ्यावा असे आवाहन कृषी उत्पन्न बाजार समिती माजी संचालक बाळासाहेब टाव्हरे आणि ग्रामस्थांनी केले आहे.