आंबेगावातून ब्रह्मगिरी परिक्रमेसाठी भाविक रवाना

पारगाव, ता. १८ : आंबेगाव तालुक्याच्या पूर्वभागातील धामणी, पहाडदरा, शिरदाळे, ज्ञानेश्‍वरवस्ती येथुन २५० भाविक चौथ्या श्रावणी सोमवारनिमित्त ब्रह्मगिरी परिक्रमेसाठी रवाना झाले आहेत.
विष्णू महाराज केंद्रे यांच्या मार्गदर्शनाखाली चौथ्या श्रावणी सोमवारनिमित्त पुणे जिल्हा तसेच राज्यातून नऊ हजार भाविकांच्या उपस्थित ब्रह्मगिरी परिक्रमा करण्यात येणार आहे. या परिक्रमेसाठी धामणी, पहाडदरा शिरदाळे, ज्ञानेश्‍वरवस्ती येथून २५० भाविक रवाना झाले आहेत.
या प्रसंगी सावता माळी विकास मंडळाचे अध्यक्ष ज्ञानेश्‍वर विधाटे, आंबेगाव तालुका डॉक्टर्स असोसीएशनचे उपाध्यक्ष डॉ. शिवाजी थिटे, विठ्ठल जाधव, वसंत जाधव, सागर जाधव, आनंदा जाधव, सरपंच रेश्मा बोराडे, उपसरपंच अक्षय विधाटे, ज्ञानज्योती शिक्षण आरोग्य संस्थेचे उपाध्यक्ष प्रदीप भुमकर, शांताराम रोडे, कैलास रोडे, भगवान बढेकर, मयुर सरडे, भाऊ कदम, संतोष करंजखेले, विक्रम करंजखेले, किसन गाढवे उपस्थित होते.
डॉ. शिवाजी थिटे आणि ज्ञानज्योती शिक्षण आरोग्य संस्थेच्या वतीने ब्रह्मगिरी परिक्रमा करणाऱ्या २५० भाविकांना पाणी बॉटल, औषधे व पाच हजार एक रुपये देणगी देऊन सर्व भाविकांना शुभेच्छा देण्यात आल्या.