अवसरीत एकत्रित एकच मिरवणूक

पारगाव : अवसरी बुद्रूक (ता. आंबेगाव) येथे गावठाण परिसरातील पाच सार्वजनिक गणेशोत्सव मंडळांनी एकत्रित एकच विसर्जन मिरवणूक काढून इतर गावांच्या पुढे आदर्श निर्माण केला आहे. विसर्जन मिरवणुकीत डीजे तसेच गुलालाचा वापर न करता ढोल, ताशा, झांज लेझीम या पारंपरिक वाद्यांच्या गजरात शांततेत विसर्जन मिरवणुका पार पडल्या. व्यापारी मित्र मंडळ बाजारपेठेचा राजा, भैरवनाथ मित्र मंडळ ( भैरवनाथ आळी), हनुमान मित्र मंडळ (कुंभार वाडा), बाळकृष्ण मित्र मंडळ ( मागची आळी) व शिवाजी मित्र मंडळ (मधली आळी) या पाच सार्वजनिक गणेशोत्सव मंडळांनी एकत्र विसर्जन मिरवणूक काढली होती. बाजारपेठेतील काही घरगुती वैयक्तिक गणपती ही या एकत्रित मिरवणुकीत सहभागी झाले होते.