मेंगडेवाडी परिसरात बिबट मादी जेरबंद
पारगाव, ता. ९ : मेंगडेवाडी (ता. आंबेगाव) येथील गवारीमळा येथे वनविभागाने लावलेल्या पिंजऱ्यात मंगळवारी (ता. ९) पहाटे बिबट मादी जेरबंद झाली.
गवारीमळा परिसरात गेल्या तीन आठवड्यापासून बिबट्याचा वावर वाढल्याने परिसरातील नागरिकांमध्ये भीतीचे वातावरण पसरले होते. स्थानिक नागरिकांच्या मागणीवरून वनविभागाने १९ नोव्हेंबर रोजी या ठिकाणी पिंजरा लावला होता. सुमारे २० दिवस बिबट्या हुलकावणी देत होता. अखेर मंगळवारी पहाटे सुरेश गवारी यांच्या शेतात लावलेल्या पिंजऱ्यात सुमारे साडेतीन वर्षाची बिबट मादी जेरबंद झाली असल्याची माहिती वनरक्षक अश्विनी डफळ यांनी दिली.
अवसरी बुद्रुक येथील बसस्थानक, चौथाईस्थळ तसेच विजय हॉटेलच्या परिसरात गेल्या तीन दिवसांपासून दररोज रात्री व दिवसा बिबट्याचे दर्शन होत असल्याने नागरिकांमध्ये भीतीचे वातावरण निर्माण झाले आहे. वनविभागाने बिबट्याला पकडण्यासाठी पिंजरा लावावा, अशी मागणी विजय हिंगे यांनी केली आहे. तीन दिवसांपासून पिंजरा लावण्याची मागणी करूनही वनविभाग पिंजरा लावत नसल्याने नागरिकांकडून संताप व्यक्त केला जात आहे.
06412
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.