पारगाव, ता. १२ : आंबेगाव तालुसह जिल्ह्यिातील बाजारांमध्ये आवक वाढल्याने हिरव्या वाटाण्याचे बाजारभाव घसरले आहेत. त्यामुळे आंबेगाव तालुक्यातील गृहिणींचा वाटाणा खरेदीकडे कल वाढला आहे. मेथीचेही बाजारभाव कोसळले असून, ठोक बाजारात मेथीच्या शंभर जुड्यांचा बाजारभाव ३०० ते ६०० रुपये इतके खाली आले आहेत.
तालुक्यात सध्या मुंबई व पुणे शहराबरोबरच मध्यप्रदेशातून हिरव्या वाटाण्याची मोठ्या प्रमाणात आवक सुरू आहे त्यामुळे हिरव्या वाटाण्याचे ठोक बाजारातील दर २० ते २४ रुपये प्रतिकिलोवर आले आहे. त्यामुळे किरकोळ बाजारात वाटाणा ३० ते ४० रुपये प्रतिकिलो इतका स्वस्त झाला आहे. तोच काही आठवड्यापूर्वी ६० ते ७० प्रतिकिलो होता. निम्म्याने बाजारभाव घसरल्याने गृहिणींचा भाजीसाठी हिरवा वाटाणा खरेदीकडे कल वाढला असल्याची माहिती ठाणे येथील भाजीपाल्याचे व्यापारी व आडतदार सुशांत रोडे पाटील यांनी दिली.
मेथीच्या भाजीच्या शंभर जुड्यांचे ८०० ते १००० रुपयांवर गेलेला बाजारभाव आता ३०० ते ६०० रुपयांवर आला आहे. बाजारात १० ते १५ रुपयांना मेथीच्या भाजीची मिळणारी एक जुडी आता पाच ते सात रुपयांना मिळत आहे. त्यामुळे भाजी उत्पादक शेतकऱ्यांना मोठ्या प्रमाणात तोटा सहन करावा लागत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.