जुन्नरला शिवाजी मराठा वसतिगृहाचे प्रवेश सुरू

आपटाळे, ता. ९ : जुन्नर येथील श्री शिवाजी मराठा शिक्षण संस्था शिवनेर संचलित श्री शिवाजी मराठा वसतिगृहात शैक्षणिक वर्ष २०२५-२६ साठी प्रवेश प्रक्रिया सुरू केल्याची माहिती अधिक्षक विलास भांबेरे यांनी दिली. वसतिगृहात इयत्ता पाचवी ते दहावीच्या इयत्तेतील अनुसूचित जाती, अनुसूचित जमाती, भटक्या व विमुक्त, इतर मागास प्रवर्ग व आर्थिकदृष्ट्या मागास प्रवर्गातील विद्यार्थांना प्रवेश देण्यात येणार आहे. इच्छुक विद्यार्थ्यांनी लवकरात लवकर वसतिगृहात प्रवेश निश्‍चित करावा असे आवाहन भांबेरे यांनी केले.