‘शेतीपूरक उद्योगांना चालना दिल्यास सोसायट्या आर्थिक समृद्ध होतील’

आपटाळे, ता. १० : जुन्नर तालुक्यातील विविध कार्यकारी सहकारी सोसायट्यांनी शेतीपूरक उद्योगाला चालना दिल्यास सोसायट्या आर्थिक समृद्ध होतील. याचा फायदा सभासद व शेतकऱ्यांना होईल. पुणे जिल्हा मध्यवर्ती सहकारी बँकेच्या माध्यमातून सोसायटी व शेतकऱ्यांच्या उन्नतीसाठी सर्वोतोपरी प्रयत्न करणार आहे, से आश्वासन पुणे जिल्हा मध्यवर्ती सहकारी बँकेचे ज्येष्ठ संचालक व जुन्नर तालुका कृषी उत्पन्न बाजार समितीचे सभापती ऑड संजय काळे यांनी दिले.

जुन्नर येथे बुधवारी (ता. ६) काले विविध कार्यकारी सहकारी सेवा सोसायटीच्या नूतन कार्यालयाच्या उद्घाटनप्रसंगी काळे बोलत होते. याप्रसंगी तालुका सहायक निबंधक डॉ. गजेंद्र देशमुख, बाजार समितीचे माजी उपसभापती प्रकाश ताजने, जिल्हा बँकेचे समन्वय अधिकारी सुभाषराव कवडे, तालुका विभागीय अधिकारी बाळासाहेब मुरादे, जिल्हा बँकेचे अधिकारी अनघा भालेकर, वसंत ताजने, राजेंद्र भगत, संतोष सरजीने, सरपंच कुलदीप नायकोडी, सोसायटीचे अध्यक्ष नवनाथ पानसरे, उपाध्यक्ष सुनील पानसरे, संचालक लक्ष्मण पानसरे, चंद्रकांत घोगरे, मीननाथ पानसरे, अशोक नायकोडी, जगन चतुर, संतोष कुमकर, यशवंत भालेकर, अमित कर्पे, पुष्पलता पानसरे, शालिनी पानसरे, सचिव प्रसन्ना वाजे, धिरज सरजीने, दीपक चतुर यांसह ग्रामस्थ मोठ्या संख्येने उपस्थित होते.

विलास पानसरे यांनी सूत्रसंचालन तर रवींद्र पानसरे यांनी आभार मानले.
02618