कुसूर येथील शिबिरात मोफत चष्मे वाटप

आपटाळे, ता. १७ ः कुसूर (ता. जुन्नर) येथे मोफत नेत्र तपासणी, मोतीबिंदू शस्त्रक्रिया व चष्मे वाटप शिबिर पार पडले. बुधवारी (ता. १५) किल्ले शिवनेरीच्या पायथ्याशी असलेल्या भक्तिधाम मंदिरात डिसेंट फाउंडेशन, पुणे आणि माऊली ऑप्टिकल आय केअर सेंटर, जुन्नर यांच्या संयुक्त विद्यमाने या शिबिराचे आयोजन केले होते.
या शिबिराचा ८९ नागरिकांनी लाभ घेतला, तर ६१ नागरिकांना मोफत चष्मे वाटप करण्यात आले. यावेळी कृषी उत्पन्न बाजार समितीचे संचालक प्रकाश ताजणे, डिसेंट फाउंडेशनचे संस्थापक जितेंद्र बिडवई, सचिव डॉ. एफ. बी. आतार, राजेंद्र भगत, माऊली ऑप्टिकलचे नेत्रतज्ञ विलास बोंद्रे, मुरलीधर भगत, सदाशिव ताजणे, अजित ताजणे, आदित्य दुराफे यांसह ग्रामस्थ उपस्थित होते.

02791