आंदगाव हायस्कूलमध्ये एलआयसीकडून वृक्षारोपण

भुकूम, ता. १२ : आंदगाव (ता. मुळशी) येथील हायस्कूलमध्ये एलआयसीच्या कोथरूड शाखेच्यावतीने वृक्षारोपण करण्यात आले. यावेळी पर्यावरणाचे महत्व विद्यार्थ्यांना सांगण्यात आले. येथील परिसरात पेरू, आवळा, चिंच आदी फळ झाडांची लागवड करण्यात आली. यावेळी शाखा अधिकारी एम. जी. भाईक, उपशाखा व्यवस्थापक पी. के. रांजणेकर, उज्ज्वला जोशी, एम. के. आपटे, माजी सरपंच प्रफुल्ल मारणे, मारुती आटाळे, मुख्याध्यापक एस. जे. सावंत, मंगेश आव्हाड उपस्थित होते. यावेळी भाईक यांनी आर्थिक सुरक्षितता, जीवनातील नियोजन, प्रसंगी आर्थिक मदत यासाठी एलआयसीचे महत्त्व सांगितले.