खारावडे सोसायटीतर्फे १० टक्के लाभांश

भुकूम, ता. १ ः खारवडे (ता. मुळशी) येथील म्हस्वेश्वर विविध कार्यकारी सोसायटीच्यावतीने शेतकरी सभासदांना १० टक्के लाभांश जाहीर करण्यात आला आहे. सोसायटीच्या वार्षिक सभेत ही घोषणा करण्यात आली.
येथील म्हस्वेश्वर मंदिरात सोसायटीची सभा घेण्यात आली. मुठा खोऱ्यातील सर्व गावांची ही सोसायटी आहे. सोसायटीचे कर्ज वाटप, वसुली चांगली असल्यामुळे पुणे जिल्हा मध्यवर्ती सहकारी बॅंकेच्या वतीने सोसायटीच्या पदाधिकारी यांचा यावेळी सन्मान करण्यात आला. यावेळी बँकेचे उपाध्यक्ष सुनील चांदेरे, देवस्थानच्या अध्यक्षा मधुरा भेलके, संत तुकाराम साखर कारखान्याचे संस्थापक दत्तात्रेय उभे, माजी संचालक अंकुश उभे, सरपंच लक्ष्मण मारणे, देवस्थानचे पदाधिकारी शंकर मारणे, दिनेश जोगावडे, महादेव मरगळे, वृंदा येनपुरे, सोसायटीचे अध्यक्ष संतोष कांबळे, उपाध्यक्ष मोहन झुंझुरके, बाळासाहेब उभे, तुकाराम मरे, अंकुश येनपुरे, विठ्ठल गुजर, कैलास मारणे, बॅंकेचे अधिकारी, सुरेश नागरे, राजेंद्र मारणे, सचिव आनंद कुडले आदी उपस्थित होते. शेतकऱ्यांनी विविध कर्ज योजनांचा लाभ घ्यावा, कृषी पर्यटन व मुलांच्या उच्च शिक्षणासाठी चांगली कर्ज योजना बॅंकेने तयार केली असून, त्याचा लाभ शेतकऱ्यांनी घ्यावा, असे आवाहन चांदेरे यांनी केले.

02747