घोटावडे ते पुणे स्टेशन बससेवा सुरू

भुकूम, ता. १० ः घोटावडे (ता. मुळशी) येथील ग्रामस्थांसाठी पुणे स्टेशनपासून पीएमपील बससेवा सुरू करण्यात आली. दिवसातून चार वेळा बस सेवा राहणार असून, त्यामुळे ग्रामस्थांची चांगली सोय होणार आहे.
येथील बस सेवेचे उद्‍घाटन जिल्हा बँकेचे उपाध्यक्ष सुनील चांदेरे यांच्या हस्ते करण्यात आले. बस सुटण्याच्या वेळा स्टेशन येथून सकाळी ६.३० व ९.३० वा. सायंकाळी ४.१५ व रात्री ८.१५ वाजता राहील. घोटावडे येथून सकाळी ७.४५ व ११.४५ वाजता व सायंकाळी ६ व रात्री १० वाजता सुटण्याच्या वेळा राहतील.
पुणे स्टेशन ते पुणे विद्यापीठ, पाषाण, सूस, नांदे, चांदे, मुलखेड ते घोटावडे असा बसचा मार्ग राहणार असल्याचे उपसरपंच भीमाजी केसवड यांनी सांगितले. यावेळी शांताराम इंगवले, रवींद्र कंधारे, तात्यासाहेब देवकर, कैलास मांडेकर, संतोष गोडांबे, संदीप खानेकर, बाजीराव धुमाळ, यशवंत देवकर, सरपंच मंगल गोडांबे, सदस्य राजाभाऊ शेळके, हनुमंत घोगरे, संतोष गोडांबे, स्वाती भेगडे, सारिका खानेकर, सोनाली मातेरे आदी उपस्थित होते. यावेळी ग्रामस्थांनी चालक व वाहक यांचा सन्मान केला.

02763