विजेच्या तारा तुटल्याने आंदगाव येथे धोका

भुकूम, ता. १४ ः आंदगाव खारावडे (ता. मुळशी) हद्दीवरील मुठा नदीच्या किनारी असलेल्या विजेच्या खांबावरील तारा तुटून पडल्या आहेत. त्यामुळे शेतकऱ्यांना धोका निर्माण झाला आहे. तसेच, वीज पुरवठा बंद असल्यामुळे शेतीला पाणी देण्यासाठी शेतकऱ्यांना मोठा अडथळा निर्माण झाला आहे.
येथील मुठा नदीच्या किनारी असलेल्या लवंजाई, खोडवचा टेप भागातील खांबावरील विजेच्या तारा वारा व पावसामुळे तुटून पडल्या आहेत. येथील वीजपुरवठा पूर्ण खंडित झाला आहे. पावसाने सध्या उघडीप दिली आहे. ऑक्टोबरमधील तीव्र उन्हाळ्यामुळे शिवारातील पाणी कमी झाले आहे. अशीच परिस्थिती राहिल्यास विद्युत पंप सुरू करून भात पिके व फळ झाडांना पाणी द्यावे लागेल. वीज वितरण कंपनीने तारांची दुरुस्ती करावी, अशी मागणी शेतकऱ्यांनी केली आहे.

02768