भिगवण येथे योग प्रबोधन कार्यक्रम

भिगवण, ता. २१ : येथील विविध शैक्षणिक संस्थांमध्ये आंतरराष्ट्रीय योग दिन उत्साहात साजरा केला. योग दिनानिमित्त व्याख्यान, प्रात्यक्षिके व प्रबोधन कार्यक्रमाचे आयोजन केले होते.
येथील रयत शिक्षण संस्थेच्या भैरवनाथ विद्यालयामध्ये आंतरराष्ट्रीय योग दिन साजरा केला. कार्यक्रमासाठी प्रमुख मार्गदर्शन म्हणून योग शिक्षक डॉ. जयप्रकाश खरड, मुख्याध्यापक धनंजय खराटे, राजेंद्र जमदाडे, पाचांगणे, पर्यवेक्षक कोकणे, देवानंद देवकाते, पांडुरंग गोडसे, खोत आदी उपस्थित होते. यावेळी डॉ. खरड यांनी विद्यार्थ्यांना योगाचे महत्त्व विशद केले. भैरवनाथ विद्यालयातील शिक्षकांनी केले.
येथील क्षीरसागर विद्यालयामध्ये आंतरराष्ट्रीय योग दिनानिमित्त कार्यक्रमाचे आयोजन केले होते. प्राचार्य तुषार क्षीरसागर यांचे मार्गदर्शनाखाली उपप्राचार्य नवनाथ सावंत, दिलीप रेडके, प्रशांत वाबळे आदींनी यावेळी योगाची प्रात्यक्षिके घेतली. याप्रसंगी विद्यार्थ्यांना योगाचे धडे देण्यात आले. कार्यक्रमाचे नियोजन क्षीरसागर विद्यालयातील शिक्षकांनी केले.
येथील साईनाथ शिक्षण प्रसारक मंडळाच्या आदर्श विद्यालय व आदर्श विद्यामंदिर येथे आंतरराष्ट्रीय योगदिन साजरा केला. यावेळी संस्थेचे संस्थापक डॉ. चंद्रकांत खानावरे, प्राचार्य सुचेता साळुंखे, मुख्याध्यापक पल्लवी वाघ उपस्थित होते. क्रिडा शिक्षण नीलेश चांदगुडे व पिंटू कंगणे यांनी योगाची प्रात्यक्षिके घेतली. विद्यालयातील शिक्षकांनी कार्यक्रमासाठी परिश्रम घेतले. येथील विठ्ठलराव थोरात इंग्लिश स्कूलमध्ये योगदिन साजरा केला. यावेळी संस्थेचे अध्यक्ष बापूराव थोरात, सचिव विजयराव थोरात, प्राचार्य वंदना थोरात उपस्थित होते. नियोजन क्रिडा शिक्षक यांनी केले.