भिगवणकरांकडून ढोल ताशाच्या गजरात निरोप
भिगवण, ता. ७ ः ढोल ताशा व डीजेच्या गजरात भिगवणकरांनी लाडक्या गणरायाला भक्तीमय वातावरणात निरोप दिला. सावर्जनिक गणेश उत्सव मंडळानी स्वयंशिस्तीने पाळलेली आचारसंहिता व येथील पोलिस ठाण्याच्या वतीने करण्यात आलेल्या चोख नियोजनामुळे भिगवण (ता. इंदापूर) येथील विसर्जन मिरवणूक शांततेत पार पडली.
भिगवणमध्ये, तसेच परिसरातील तक्रारवाडी, मदनवाडी, डिकसळ (ता. इंदापूर) आदी गावांमध्ये ९० सावर्जनिक गणेश मंडळानी व हजारो गणेश भक्तांनी गणेश उत्सव उत्साहात साजरा केला. भिगवण पोलिस ठाणे व सार्वजनिक गणेश मंडळानी नियोजन करत काही गणेश उत्सव मंडळानी आधीच मिरवणुका काढल्या होत्या. दुपारपर्यंत वैयक्तिक गणेश भक्तांनी मूर्ती विसर्जित केल्या, तर त्यानंतर सावर्जनिक गणेश उत्सव मंडळाच्या मिरवणुकीस प्रारंभ झाला. येथील भिगवण पोलिस ठाण्याच्या वतीने काढण्यात आलेली मिरवणूक लक्षवेधी ठरली. मिरवणुकीमध्ये ढोल ताशांचा वापर करण्यात आला. सर्वच गणेश उत्सव मंडळाने स्वयंशिस्त पाळल्यामुळे विसर्जन मिरवणुका वेळेत संपन्न झाल्या. भिगवण पोलिस ठाण्याचे सहाय्यक पोलिस निरीक्षक विनोद महांगडे यांचे मार्गदर्शनाखाली पोलिस कर्मचारी यांनी चोख बंदोबस्त ठेवला.
01227
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.