‘विघ्नहर्ता’ने भागविली किकवीकरांची तहान

‘विघ्नहर्ता’ने भागविली किकवीकरांची तहान

Published on

भोर, ता. १९ः किकवी (ता.भोर) येथील विघ्नहर्ता पतसंस्थेमार्फत गावातील नागरिकांसाठी कूपनलिका काढून पाण्याची मोफत सोय केली. एप्रिल महिन्यात उन्हाळा सुरू झाल्यापासून किकवी गावचा पाणीपुरवठा कमी झाला. यामुळे पतसंस्थेचे संस्थापक अध्यक्ष चंद्रकांत बाठे यांनी कूपनलिकेसाठी निधी दिला. व

किकवीतील जलजीवन योजनेचे काम अद्यापही अपूर्ण आहे. त्यामुळे यावर्षी किकवीवासीयांना पाण्याचा त्रास सहन करावा लागत होता. गेल्या वर्षी दलित वस्तीच्या बाजूला असलेल्या नैसर्गिक झऱ्यामध्ये उन्हाळ्यातही पाणी होते. गावातील महिला तेथून पिण्याचे पाणी भरत होते. परंतु यावर्षी त्या झऱ्याचेही पाणी आटले. त्यामुळे गावाला पिण्याचे पाणी मिळेनासे झाले. गावच्या जुन्या पाणीपुरवठा योजनेतून नीरा नदीच्या पाण्याचा पुरवठा काही प्रमाणात होत आहे. मात्र ते पाणी पिण्यास योग्य नाही आणि वेळेवर होत नाही. नागरिकांचे पिण्याचे पाण्याचे हाल सुरू झाले. त्यामुळे किकवीतील माजी सरपंच अर्जुन आहिरे आणि महिलांनी चंद्रकांत बाठे यांना पिण्याच्या पाण्याची व्यवस्था करण्याची विनंती केली. त्यास प्रतिसाद देत चंद्रकांत बाठे यांनी विघ्नहर्ता परसंस्थेमार्फत आहिरे आळीत बोअरवेल काढली. बोअरवेलमधून २४५ फूटांवर पाणी लागले असून ते पाणी पिण्यासाठी योग्य आहे. त्यामुळे किकवीतील सुमारे ५० टक्के महिला या बोअरवेलचे पाणी पिण्यासाठी घेऊन जात आहेत. किकवीतील महिलांनी बोअरवेलच्या पाण्याचे पूजन केले. आणि विघ्नहर्ता प्रतिष्ठानचे अध्यक्ष चंद्रकांत बाठे, उपाध्यक्ष प्रकाश तनपुरे आणि पंचायत समितीच्या माजी सभापती सुनीता बाठे यांना धन्यवाद दिले. यावेळी सुगंधा आहिरे, हिराबाई भिलारे, विमल आहिरे, राणी भोसले, रेख दीक्षित, विमल शिर्के, नारायण भिलारे, दत्तात्रेय आहिरे, चंद्रकांत आहिरे, दीपक भोसले आदी मान्यवर उपस्थित होते.


उन्हाळ्यात आम्हाला पिण्यासाठी पाणी मिळत नव्हते. पण विघ्नहर्ता पतसंस्थेने आमची पिण्याच्या पाण्याची सोय केली आणि पुण्याचे काम केले. त्याबद्दल आमचे आशीर्वाद नेहमी त्यांच्या पाठीशी राहणार.
- सुगंधा आहिरे, ज्येष्ठ महिला किकवी.

05313

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com