भोर फाटा परिसरात अपघाताचा धोका
भोर, ता. १४ : पुणे-सातारा महामार्गावरील कापूरव्होळ येथे पुलाखालून भोरला जाणाऱ्या फाट्यावरील सेवा रस्त्यावर खड्डे पडल्यामुळे अपघात होण्याची दाट शक्यता निर्माण झाली आहे. कापूरव्होळ-भोर फाट्यावरील पुलाखालून भोरला जाणाऱ्या वळणावरच आठ इंचाहून अधिक खोल खड्डे असल्यामुळे त्यामध्ये वाहने अडकत आहेत. आत्तापर्यंत या खड्ड्यात अनेक दुचाकीस्वार पडले आहेत.
राष्ट्रीय महामार्गाचे अधिकारी आणि संबंधित ठेकेदार याकडे दुर्लक्ष करीत असल्याचा आरोप त्रस्त वाहनचालक करीत आहेत. पुणे-सातारा आणि भोर-पुणे मार्गाशिवाय सासवड, नारायणपूर आणि बालाजी मंदिराकडून पुण्याला जाणाऱ्या सर्व वाहनांना मुख्य रस्त्यावर जाण्यासाठी हाच एकमेव मार्ग आहे. त्यामुळे या ठिकाणी वाहनांची संख्या अधिक प्रमाणात असते. शनिवारी आणि रविवारी तर वाहनांच्या रांगा लागलेल्या असतात. मागील आठवड्यात या ठिकाणच्या पुलावरील खड्डे भरण्यात आले. मात्र पुलाखालील भोर फाट्यावर असलेले मोठे खड्डे का भरले नाहीत? असा सवाल वाहनचालक करीत आहेत. त्यातच खड्डे चुकविण्याच्या नादात अपघात होतात. राष्ट्रीय महामार्गाने या समस्येकडे गांभीर्याने पाहून खड्डे त्वरित बुजविण्याची मागणी पंचायत समितीचे माजी उपसभापती रोहन बाठे यांनी केली आहे.
याबाबत राष्ट्रीय महामार्गाचे अधिकारी अमित भाटिया यांच्याशी संपर्क साधला असता त्वरित खड्डे भरण्यात येतील अशी ग्वाही त्यांनी दिली.
भोर फाट्यावरील खड्डे चुकविण्याचा नादात अनेक अपघात झालेले आहेत. राष्ट्रीय महामार्गाच्या अधिकाऱ्यांनी खड्डे त्वरित भरुन घ्यावेत आणि नियमितपणे रस्त्यावरील खड्ड्यांची तपासणी करावी.
- रोहन बाठे, कापूरव्होळ, माजी उपसभापती भोर पंचायत समिती.
kik13p1-kapurwhole
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.