भोरमधील रस्त्यांची पुन्हा दुरवस्था

भोरमधील रस्त्यांची पुन्हा दुरवस्था

Published on

भोर, ता. २६ : तालुक्यातील कापूरव्होळ- भोर- मांढरदेवी- वाई- सुरूर या मार्गाच्या काँक्रिटीकरणाचे काम अनेक दिवसांपासून सुरू आहे. या मार्गावरील भाटघरपासून भोर- खानापूर या अंतरातील रस्त्याचे काम अपूर्ण आहे. या ठिकाणच्या रस्त्यावर नेहमी खड्डे पडतात आणि अपघात होतात. रस्त्यांच्या झालेल्या दुरवस्थेमुळे वाहनचालकांना वाहन चालविताना कसरत करावी लागत आहे.
पाऊस पडला की खड्ड्यांमध्ये पाणी साठते आणि खड्ड्याच्या खोलीचा अंदाज येत नाही, त्यामुळे अपघात घडतात. याशिवाय ठेकेदाराने योग्य त्या ठिकाणी दिशादर्शक फलक आणि सुरक्षिततेच्या उपाययोजना केल्या नाहीत. भाटघर, बुवासाहेबवाडी, भोलावडे, भोर शहरातील रामबाग रोड व विद्यानगर येथील रस्त्यावर मोठ्या प्रमाणात वाहतूक असते. त्यामुळे अपघात होण्याची दाट शक्यता असते. मात्र संबंधित ठेकेदार आणि सार्वजनिक बांधकाम विभाग याकडे पूर्णपणे दुर्लक्ष करीत आहेत.

सार्वजनिक बांधकाम विभागाने संबंधित ठेकेदाराला सूचना देऊन रस्त्यावरील खड्डे त्वरित बुजवावेत आणि अपघात टाळावेत. अन्यथा आंदोलन करावे लागेल.
- समीर घोडेकर, अध्यक्ष, आम्ही भोरकर प्रतिष्ठान

संबंधित ठेकेदाराला धोकादायक खड्डे त्वरित भरण्याच्या सूचना देण्यात आल्या आहेत. पावसाचे प्रमाण कमी झाल्यानंतर उर्वरित रस्त्याचे कामही लगेचच सुरू केले जाणार आहे.
- राजसाहेब आजळे, उपअभियंता, सार्वजनिक बांधकाम विभाग, भोर

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com