भोरमधील विकासकामांसाठी ७ कोटी २३ लाखांचा निधी

भोर, ता. ६ : येथील नगरपरिषद हद्दीतील २३ विकासकामांसाठी ७ कोटी २३ लाख रुपयांचा निधी आमदार शंकर मांडेकर यांनी सुचविलेल्या विकासकामांसाठी उपमुख्यमंत्री अजित पवार यांच्या माध्यमातून मंजूर झाला. जिल्हा नियोजन मंडळातून ३ कोटी आणि ४ कोटी २३ लाख रुपयांचा निधी हा राज्य शासनाकडून मिळाला असल्याची माहिती राष्ट्रवादी कॉंग्रेसचे माजी नगरसेवक यशवंत डाळ यांनी दिली.
या निधीत भोर शहरातील स्मशानभूमी ते पद्मावती वस्तीच्या पाण्याच्या टाकीपर्यंतच्या रस्त्याच्या क्रॉंक्रीटीकरणासाठी १ कोटी ५० लाख रुपयांचा निधी प्रथमच मिळालेला आहे. त्यामुळे पद्मावती वस्तीचा रस्त्याचा प्रश्न कायमस्वरूपी निकाली निघालेला आहे. पद्मावती वस्तीमधील नागरिक स्वातंत्र्यकाळापासून या रस्त्याची मागणी करीत होते.
शहरातील मंजूर झालेली इतर विकासकामे पुढीलप्रमाणे कंसात रक्कम रुपयांत पुढीलप्रमाणे- भोरेश्वर नगरमधील रस्त्याचे कॉंक्रीटीकरण करणे (२६ लाख), रामबाग ज्योतिबानगर येथील रस्त्याचे कॉंक्रीटीकरण करणे (२४ लाख), संजयनगर येथील रस्ता कॉंक्रीटीकरण करणे (१९ लाख), स्वामी समर्थ मार्गावर गॅबियन वॉल बांधणे (५ लाख), बोरकर घरल ते ओंबळे घर रस्ता कॉँक्रीटीकरण व ड्रेनेज लाईन (१५ लाख), विद्यानगर येथील रस्ता कॉंक्रीटीकरण (२४ लाख), काकडे चाळ ते मांढरे घर रस्ता कॉंक्रीटीकरण करणे ( १४ लाख), शिंदे घर ते शितोळे घर रस्ता कॉंक्रीटीकरण करणे व संरक्षक भिंत बांधणे (१८ लाख), संजयनगर हाडको कॉलनीअंतर्गत रस्ते कॉंक्रीटीकरण करणे (३८ लाख), वाघजाई मंदिर रस्ता, मयुरेश व शिवगंगा सोसायटी रस्ता पेविंग ब्लॉक बसविणे (३१ लाख), भोरदरा बालगुडे घर रस्ता कॉंक्रीटीकरण करणे (१३ लाख), वेताळ पेठ ज्युबली तलाव ड्रेनेज लाईन (३ लाख), गणेश पेठ सरकारी वहाळ बंदीस्त करणे (३० लाख), शहराच्या मुख्य प्रवेशद्वाराजवळील कमान येथे शिवसृष्टी उभारणे (५१ लाख), मुस्लिम दफनभूमी येथे विकासकामे (३० लाख), वाघजाईनगर विद्याप्रतिष्ठान शेजारी पाण्याची टाकी बांधणे (५० लाख), शहरात सोलर दिवे बसविणे (४१ लाख), प्रभाग क्रमांक ८मध्ये ड्रेनेज लाईन व संरक्षण भिंत बांधणे (५३ लाख), तक्षशिला नगर येथे रस्ते व गटार करणे (३२ लाख), राजवाडा चौक कमान व कारंजे सुशोभीकरण करणे (१२ लाख), ओपन जीम साहित्य पुरविणे (२३ लाख) आणि स्वामी समर्थ मंदिर येथे स्वच्छतागृह बांधणे (१५ लाख).