महुडे खोऱ्यातील शाळांमध्ये विद्यार्थ्यांना पुस्तक वाटप

भोर : येथील महाडनाका परिसरातील श्री स्वामी समर्थ व्हॉटस्‌ॲप ग्रुपच्या वतीने संविधान दिनानिमित्त बुधवारी ( ता १६) शाळांमधील विद्यार्थ्यांना पुस्तकांचे वाटप करण्यात आले. यामध्ये संविधानाच्या आणि गोष्टींच्या पुस्तकांचा समावेश आहे. श्री स्वामी समर्थ केंद्राचे सेवेकरी संतोष कदम यांनी महुडे खोऱ्यातील गवडी, नानाची वाडी व सणसवाडी या शाळांमधील विद्यार्थ्यांना पुस्तकांचे वाटप केले. आणि त्यांना संविधान दिन व मुंबईतील हल्ल्याबाबत माहिती दिली. १६ वर्षांपूर्वी २६ नोव्हेंबर या दिवशी मुंबईतील दहशतवादी हल्ल्यात शहीद झालेले एटीएस प्रमुख हेमंत करकरे, अतिरिक्त पोलिस आयुक्त अशोक कामटे, एन्काउंटर स्पेशालिस्ट विजय साळसकर यांना श्रद्धांजली वाहिली. यावेळी सामाजिक कार्यकर्ते संतोष वडेकर, जिल्हा परिषद प्राथमिक शाळा गवडीचे मुख्याध्यापक पुंडलिक पाटील, शिक्षिका नीलम बनकर, नानाची वाडीचे मुख्याध्यापक किरण कांबळे, सणसवाडीचे शिक्षक अशोक चव्हाण उपस्थित होते.

6129