भोरमधील तरुणाची घरात आत्महत्या

भोर, ता. २६ : शहरातील वाघजाईनगर परिसरात राहणाऱ्या मयूर संपत खुंटे (वय १८) या तरुणाने घरात गळफास घेऊन आत्महत्या केली. बुधवारी (ता. २६) सायंकाळी साडेपाचच्या सुमारास ही दुर्घटना घडली.
याबाबत भोर पोलिसांनी दिलेल्या माहितीनुसार, मयूर याने एका अल्पवयीन मुलीची छेड काढली होती. त्याची तक्रार आल्यानंतर मंगळवारी (ता. २५) रात्री त्यास भोर पोलिसांनी चौकशीसाठी बोलावले होते. मयूर हा वडिलांसमवेत पोलिस ठाण्यात गेला होता. त्यावेळी संबंधित मुलगी आणि तिचे वडीलही हजर होते. पोलिसांनी मयूर यास समज देवून घरी पाठवले. त्यानंतर बुधवारी सायंकाळी मयूर याने घरात गळफास घेऊन आत्महत्या केली. दरम्यान पोलिसांनी मारल्यामुळे मयूर याने आत्महत्या केल्याचा आरोप त्याच्या नातेवाइकांनी केला आहे.