भोर तालुक्यातील आंब्याची झाडे मोहोरली
भोर, ता. ११ : तालुक्यातील सध्याच्या पोषक वातावरणामुळे आंब्याच्या झाडाला मोठ्या प्रमाणात मोहर आला आहे. त्यामुळे शेतकरी आनंदी झाले आहेत. सर्वच प्रकारच्या आंब्याची झाडे मोहोरल्यामुळे आंब्याचे उत्पन्न चांगले होईल, अशी आशा शेतकऱ्यांना आहे. तालुक्याच्या अंबवडे खोरे, वीसगाव खोरे, हिर्डोशी, हिर्डोशी खोरे, महुडे खोरे आणि भाटघर धरण खोरे या भागातील आंब्याच्या झाडांना दरवर्षीपेक्षा अधिक मोहोर आलेला आहे.
तालुक्यातील पश्चिम पट्ट्यामध्ये रायवळ आंब्यांची संख्या जास्त असून, मोहोरांनी आंब्याची झाडे पिवळसर दिसू लागली आहेत. रस्त्याच्या कडेला असलेली आंब्याची मोहोरलेली झाडे पर्यटकांचे लक्ष वेधून घेत आहेत. तालुक्यात येणारे अनेक पर्यटक मोहरलेल्या आंब्याच्या झाडांचे फोटो काढताना दिसत आहेत.
याबाबत आंबवडे येथील शेतकरी ज्ञानेश्वर माणिकराव जेधे यांनी सांगितले की, ‘‘गेल्या वर्षीपेक्षा यावर्षी आंब्याला चांगला मोहोर आलेला आहे. असेच पोषक वातावरण राहिले तर आंब्याच्या फळांचे उत्पादन जास्त होणार आहे. असेच पोषक वातावरण राहावे अशी आमची आशा आहे.’’
06301, 06302
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.