बारामतीत कुत्र्यांच्या हल्ल्यात
साडेतीन वर्षांचे बालक जखमी

बारामतीत कुत्र्यांच्या हल्ल्यात साडेतीन वर्षांचे बालक जखमी

बारामती, ता. १६ : शहरातील खत्री इस्टेटमध्ये साडेतीन वर्षांच्या बाळावर आज भटक्या कुत्र्यांनी हल्ला करत त्याला जखमी केले. महिनाभरात त्याच ठिकाणी दुसऱ्यांदा लहान बाळावर कुत्र्यांनी हल्ला करण्याचा प्रकार घडल्याने स्थानिक नागरिकांत संतापाचे वातावरण आहे.
युवान केदार जाचक (वय साडेतीन वर्षे, रा. खत्री इस्टेट, कॅनॉल रोड, बारामती) हा मंगळवारी (ता. १६) दुपारी आपल्या घराच्या दारात खेळत होता. त्यावेळी चार ते पाच भटक्या कुत्र्यांनी अचानकच त्याच्यावर हल्ला करून त्याच्या हातापायांना जोरदार चावा घेतला. काही क्षणातच स्थानिक नागरिक विशाल आगवणे, तसेच त्याचे पालक धावून आल्याने कुत्री पळून गेली. मात्र, यात युवान कमालीचा घाबरला होता.
त्याला तातडीने डॉ. सौरभ मुथा यांच्याकडे पुढील उपचारासाठी पालकांनी नेले. दरम्यान त्याची प्रकृती स्थिर असून, त्याला काही इंजेक्शन्स द्यावी लागतील, अशी माहिती डॉ. सौरभ मुथा यांनी दिली.
दरम्यान, गेल्याच महिन्यात आश्वी जगदाळे या मुलीला भटक्या कुत्र्यांनी वीस ठिकाणी चावे घेत जखमी केले होते. ते प्रकरण ताजे असतानाच आज पुन्हा त्याच ठिकाणी युवान जाचक याला भटक्या कुत्र्यांनी जखमी केल्यानंतर आता लहान मुलांच्या सुरक्षिततेचा प्रश्न ऐरणीवर आला आहे. बारामती नगरपालिकेने कुत्र्यांचा बंदोबस्त करावा, याबाबत ठोस उपाययोजना करावी, अशी बारामतीकरांची मागणी आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com