जनहित प्रतिष्ठान विद्यालयात वक्तृत्व स्पर्धा

बारामती, ता. १४ : जनहित प्रतिष्ठान विद्यालयात क्रांतिदिनाचे औचित्य साधून आंतरशालेय वक्तृत्व स्पर्धेचे आयोजन करण्यात आले होते. स्पर्धेचे यंदाचे सतरावे वर्ष होते. छोटा गटामध्ये प्रथम रुद्राणी स्वप्नील देवकाते, द्वितीय अनुराज ज्ञानेश्वर कुंभार, तृतीय स्वरीत पंकज अहिरे तर उत्तेजनार्थ पारितोषिक ज्ञानेश्वरी संतोष आटोळे, साक्षी संजय जगताप यांनी पटकविले.
मोठ्या गटामध्ये स्वराली सुनील गोखलेने प्रथम, सानिका प्रवीण गिरमेने द्वितीय, संस्कृती संजय जगतापने तृतीय क्रमांक पटकविला. उत्तेजनार्थ पारितोषिक अनुष्का बाळू घाडगे, शिवध्वज गणेश गोडसे यांनी पटकाविले. स्पर्धेचे परीक्षण कविता नितीन जांबले, संजय सागडे यांनी केले. नियोजन अजित आर्य रेवडे, सोनाली खटके यांनी केले.
संस्थेचे उपाध्यक्ष सतीश गायकवाड, हृषिकेश घारे यांच्या वतीने रोख पारितोषिके देण्यात आली. सर्व सहभागी विद्यार्थ्यांना किरण शहा, किशोर शिवरकर, मिलिंद अत्रे, सुहास शहा यांच्या हस्ते बक्षीस देऊन गौरविण्यात आले.