भरारी पथकांद्वारे बारामती येथे तक्रारींची शहानिशा

बारामती, ता. १९ : निवडणुकीदरम्यान सी व्हिजील ॲप, तसेच काही फोनद्वारे तक्रारी आल्यानंतर त्याची तातडीने शहानिशा करण्याचे काम आम्ही केले असल्याची माहिती निवडणूक निर्णय अधिकारी वैभव नावडकर यांनी दिली.
बारामतीत नटराज कला मंदिर व शरयू टोयोटा शोरूममध्ये येथे पैशांचा व्यवहार सुरू असल्याच्या तक्रारी प्राप्त झाल्यानंतर त्या ठिकाणी तातडीने भरारी पथक पाठवून तपासणी करण्यात आली. मात्र या दोन्हीही तक्रारीत कसलेही तथ्य नसल्याचे आढळून आल्याचेही नावडकर यांनी स्पष्ट केले.