शिवजयंतीनिमित्त आज बारामती येथे व्याख्यान

बारामती, ता. १८ : विद्या प्रतिष्ठानचे कला, विज्ञान व वाणिज्य महाविद्यालय आणि माजी विद्यार्थी संघाच्या वतीने शिवजयंतीनिमित्त संभाजी ब्रिगेडचे प्रदेशाध्यक्ष प्रवीण गायकवाड यांचे ‘अहत ऑस्ट्रेलिया ते तहत कॅनडा, अवधा मुलूख आपला’ या विषयावर व्याख्यानाचे बुधवारी (ता. १९) आयोजन केले आहे. शिवजयंतीनिमित्त विद्यानगरी येथील गदिमा सभागृहात व्याख्यान होणार आहे. व्याख्यान झाल्यानंतर ‘पाटी’ या पुरस्कारविजेत्या एकांकिकेचे सादरीकरण होईल. बारामतीकरांनी या व्याख्यान व एकांकिकेस उपस्थित राहावे, असे आवाहन प्राचार्य डॉ. भरत शिंदे व माजी विद्यार्थी संघाचे अध्यक्ष भगवान चौधर यांनी केले आहे.