तबला वादन स्पर्धेत शिवराज प्रथम

बारामती, ता. १५ : पुण्यातील अखिल भारतीय सांस्कृतिक संघ (युनेस्कोचे अधिकृत भागिदार) यांच्या वतीने पुण्यात राष्ट्रीय स्तरावरील गायन व वादन स्पर्धा आयोजित केली होती. या स्पर्धेत देशभरातील ५५० विद्यार्थ्यांनी सहभाग घेतला होता. या स्पर्धेत अनेकांत इंग्लिश मीडियम स्कूलचा आठवीचा विद्यार्थी शिवराज विनोद कुंडलकर यांने तबला वादन स्पर्धेत प्रथम, तर याच स्कूलचा दहावीतील विद्यार्थी अभिराज दुर्गाप्रसाद कुलकर्णी याने द्वितीय क्रमांक मिळविला. गायन स्पर्धेत पाचवीची विद्यार्थीनी काव्या कौस्तुभ टांकसाळे हिने द्वितीय क्रमांक प्राप्त केला. या सर्व विद्यार्थ्यांची थायलंड या ठिकाणी होणाऱ्या आंतरराष्ट्रीय फेरीसाठी निवड झाली आहे. शाळेचे संगीत शिक्षक अक्षय सुधाकर शिंदे यांनी या विद्यार्थ्यांना मार्गदर्शन केले. सर्व यशस्वी विद्यार्थ्यांचे व मार्गदर्शक शिक्षकाचे संस्थेचे अध्यक्ष जवाहर शहा(वाघोलीकर), सचिव मिलिंद शहा (वाघोलीकर), स्कूलचे अध्यक्ष चंद्रवदन शहा (मुंबईकर) व शाळा व्यवस्थापन समितीचे सदस्य, तसेच प्राचार्या यांनी अभिनंदन केले.