बारामतीच्या दोघांचे यश

बारामती, ता. ८ : शहरातील अथर्व सतीश पांडकर व सोहम सुनील जोगळेकर या दोन विद्यार्थ्यांनी नुकतीच सीए परीक्षा उत्तीर्ण करीत यश संपादन केले.
अथर्व पांडकर यांचे बारावीपर्यंतचे शालेय व महाविद्यालयीन शिक्षण बारामतीत झाले. त्यानंतर त्यांनी पुण्याला जात पुढील शिक्षण घेतले. जिद्द व चिकाटीने त्यांनी हे यश संपादन केले आहे. त्यांचे वडील सतीश पांडकर व आई सुजाता पांडकर यांचे या यशात मोलाचे योगदान आहे.
सोहम जोगळेकर याने एमबीएची पदवी प्राप्त करतानाच सीए पदवी संपादन केली आहे. उत्तम गायक असलेल्या सोहम यांनी परिश्रमाने हे यश संपादन केले. बारामतीतील एलआयसीचे विकास अधिकारी सुनील जोगळेकर व डॉ. हेमा जोगळेकर यांचा सोहम मुलगा असून, त्यानेही यशाचे श्रेय आपल्या मातापित्यांना दिले आहे.