बारामतीच्या विद्या प्रतिष्ठानमध्ये उद्या कार्यशाळा

बारामती, ता. १० : येथील विद्या प्रतिष्ठानच्या इन्स्टिट्यूट ऑफ इन्फॉर्मेशन टेक्नॉलॉजी (व्ही.आय.आय टी.) संस्थेमध्ये शनिवारी (ता. १२) ‘महिला सबलीकरण आणि सक्षमीकरण’ या विषयावर कार्यशाळेचे आयोजन केले आहे. सावित्रीबाई फुले पुणे विद्यापीठाच्या गुणवत्ता सुधारणा कार्यक्रमाअंतर्गत कार्यशाळा आयोजित केली आहे. विद्यार्थिनी व महिलांसाठी या कार्यशाळेसाठी प्रवेश खुला असेल.
या कार्यशाळेत आहारतज्ज्ञ अनोखी आदेश शहा (वडूजकर) या ‘महिलांचे कल्याण आणि आरोग्य’ या कार्यशाळेच्या उपविषयाअंतर्गत शरीर, मन आणि आत्म्याचे पोषण करण्यात अन्नाची भूमिका या विषयावर, पोलिस निरीक्षक वैशाली पाटील आजच्या काळात महिलांची सुरक्षितता आणि त्यासाठीचे उपाय; तर पुण्यश्लोक अहिल्यादेवी होळकर वैद्यकीय महाविद्यालयातील स्त्रीरोगतज्ज्ञ डॉ. ख्याती शहा जनरेशन झेडमधील आरोग्य समस्यांवर संवाद साधतील.