‘जिजाऊ भवन’कडून कुटुंबांना मदतीचा हात

बारामती, ता. ७ : येथील बारामती तालुका मराठा सेवा संघ जिजाऊ भवन यांच्या वतीने दोन कुटुंबांना मदतीचा हात देण्यात आला.
यापैकी एका कुटुंबातील कर्त्या पुरुषाचे निधन झाल्याने त्या कुटुंबातील मुलीच्या शैक्षणिक शुल्काअभावी तिला दाखला मिळत नव्हता. दुसऱ्या मुलीचे शिक्षण आर्थिक परिस्थिती बेताची असल्याने अर्धवट राहिले होते. या कुटुंबाला जिजाऊ भवन व दानशूर समाजबांधवांनी ५० हजार रुपयांची मदत केली. दुसऱ्‍या मुलीला एका शाळेत मोफत प्रवेश मिळाला. दुसऱ्या‍ घटनेत चोपडज येथील एका शेतकरी बांधवाचे घर आगीमध्ये जळाले होते. या शेतकरी कुटुंबाला जिजाऊ भवनच्या वतीने संपूर्ण भांडी, सतरंजी, चादर, ब्लँकेट अशी मदत केली गेली. भवनच्या सदस्यासह समाजबांधवांनीही या विधायक कामात मदतीचा हात देऊ केला.