टीसी महाविद्यालयामध्ये फोटोग्राफी स्पर्धेचे आयोजन

बारामती, ता. ११ : जागतिक छायाचित्रण दिनानिमित्त तुळजाराम चतुरचंद महाविद्यालयाच्या डिपार्टमेंट ऑफ मीडिया अँड
कम्युनिकेशन स्टडीजतर्फे थ्रू द फ्रेम्स फोटोग्राफी स्पर्धा २०२५ आणि प्रदर्शनाचे आयोजन केले आहे. स्पर्धेचे हे अकरावे वर्ष असून, विजेत्यांना रोख बक्षीसे, जंगल सफारी, वाइल्ड लाइफ फोटोग्राफीची संधी मिळणार आहे. विद्यार्थी आणि खुला गट या दोन गटात स्पर्धा होणार असून, व्यक्ती, ठिकाण आणि निसर्ग हे विषय दिले गेले आहेत. विद्यार्थ्यांसह व्यावसायिक छायाचित्रकार, तसेच छायाचित्रणाची आवड असणाऱ्या व्यक्ती यात सहभागी होऊ शकतात. स्पर्धकांना विभागाच्या लिंकद्वारे ऑनलाइन पद्धतीने नोंदणी करून ई मेल मार्फत १६ ऑगस्टपर्यंत फोटो पाठविता येईल. स्पर्धकांच्या उत्कृष्ट चित्रणांचे टीसी विद्यालयामध्ये १९ व २० ऑगस्ट रोजी प्रदर्शन आयोजित केले जाणार आहे. ते सर्वांसाठी खुले असेल. यात सहभागी होण्याचे आवाहन प्राचार्य डॉ. अविनाश जगताप यांनी केले आहे.