विद्या प्रतिष्ठानमध्ये एचआयव्ही जनजागृती

बारामती, ता. २७ : येथील विद्या प्रतिष्ठान कृषी जैवतंत्रज्ञान महाविद्यालयात आंतरराष्ट्रीय युवा दिनानिमित्त रेड रिबीन क्लबकडून एचआयव्ही जनजागृतीसाठी जिल्हा एड्स प्रतिबंध व नियंत्रण संस्था यांच्या वतीने एचआयव्ही विषयक जनजागृती कार्यक्रमाचे आयोजन केले गेले.
रुई रुग्णालयाचे डॉ. देवेंद्र वेताळ यांनी एचआयव्हीबाबत विद्यार्थ्यांना मार्गदर्शन केले. एकात्मिक समुपदेशन आणि चाचणी केंद्र सल्लागार पूजा खंबायत यांनी निरोगी आरोग्यासाठी कशी काळजी घेतली पाहिजे, एचआयव्ही होऊ नये म्हणून कशी सावधगिरी कशी बाळगली पाहिजे, याबाबत माहिती दिली.
प्रयोगशाळा तंत्रज्ञ नम्रता वाघमोडे यांनी विद्यार्थ्यांसोबत या विषयावर सविस्तर चर्चा केली. प्राचार्या डॉ. सुमन देवरूमठ अध्यक्षस्थानी होत्या. यावेळी शैक्षणिक प्रभारी डॉ. शैलजा हारुगडे, अँटी रॅगिंग समन्वयक डॉ. अनंत शेरखाने आदी उपस्थित होते. पूर्वा वानखेडे यांनी प्रास्ताविक, तर सुमीत पाटील यांनी आभार मानले.