परदेशातील संधींबाबत कार्यशाळेला प्रतिसाद
बारामती, ता. ५ : येथील योग महाविद्यालयाच्या वतीने योग शिक्षकांना परदेशातील विविध संधींबाबत मार्गदर्शन करण्यासाठी नुकतेच एक दिवसीय ऑनलाइन कार्यशाळेचे आयोजन केले होते. या कार्यशाळेत सध्या उझबेकिस्तानमध्ये लाल बहादूर शास्त्री संस्कृती केंद्र येथे कार्यरत असलेले शरद मुंडे तसेच योगाचार्य डॉ. नीलेश महाजन यांनी मार्गदर्शन केले.
या कार्यशाळेत ७७ विद्यार्थी सहभागी झाले. महाराष्ट्रासह मध्यप्रदेश, तामिळनाडू आणि गुजरात राज्यांतील योग शिक्षक सहभागी होते.
डॉ. नीलेश महाजन म्हणाले, ‘‘भारत सरकारच्या भारतीय सांस्कृतिक संबंध परिषद (ICCR) मार्फत पात्र योग शिक्षकांना परदेशात योग शिक्षणासाठी नियुक्त केले जाते. या प्रक्रियेबाबत पुरेशी माहिती नसल्यामुळे अनेक पात्र उमेदवार या संधीपासून वंचित राहतात. ही माहिती सर्वांपर्यंत पोहोचावी, या उद्देशाने कार्यशाळेचे आयोजन केले गेले.’’
शरद मुंडे म्हणाले, ‘‘भारतीय सांस्कृतिक संबंध परिषदेच्या माध्यमातून परदेशात योग शिक्षक म्हणून काम करणे ही अत्यंत अभिमानाची बाब आहे. योग शिक्षणाच्या माध्यमातून भारतीय संस्कृतीची ओळख जागतिक स्तरावर करून देण्याची संधी मिळते.’’
या कार्यशाळेत परदेशात योग शिक्षक म्हणून निवड होण्यासाठी अर्ज प्रक्रिया, आवश्यक शैक्षणिक पात्रता, मुलाखतीची तयारी, अभ्यासाची दिशा या विषयांवर सविस्तर माहिती देण्यात आली. डॉ. भक्ती महाजन व सचिन रणमोडे यांनी सहकार्य केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.